माझी लाडकी बहीण योजनेसाठी सोलापूर जिल्ह्यातील ११ लाख ९ हजार ४७८ महिलांनी अर्ज केले होते. त्यांना पहिले तीन हप्ते मिळाले, पण आता निकषांच्या तंतोतंत पडताळणीत अपात्र ठरलेल्या महिलांचा लाभ कायमचा बंद करण्यात येत आहे.
या लाडक्या बहिणींना कधीच मिळणार नाही पंधराशे रुपये
अपात्र ठरण्याची कारणे:
- सोलापूर जिल्ह्यातील १२ हजार महिलांच्या नावावर चारचाकी वाहन आहे.
- संजय गांधी निराधार योजनेचा लाभ घेणाऱ्या सुमारे २८ हजार महिला लाडक्या बहिणी योजनेचाही लाभ घेत होत्या.
- अनेक महिलांनी अपात्र असतानाही लाभ घेण्याच्या उद्देशाने अर्ज केले होते.
- परराज्यातील महिलांनी देखील अर्ज केले होते.
- शेतकरी सन्मान निधी योजनांचा लाभ घेणाऱ्या १९ लाख महिला लाडक्या बहिणी योजनेत असल्याचे निदर्शनास आले. त्यांना सन्मान निधीच्या दोन्ही योजनांमधून दरवर्षी १२ हजार रुपये मिळतात, म्हणून उर्वरित सहा हजार रुपये त्यांना प्रत्येक महिन्याला ५०० प्रमाणे लाभ देण्याचा निर्णय झाला आहे.
- आयकर भरणाऱ्या महिलांची पडताळणी राज्यस्तरावरून सुरू असून त्यातील अडीच लाखांहून अधिक उत्पन्न असलेल्या महिलांचा लाभ देखील आगामी काळात बंद होणार आहे.