Shocking Accident Video : सोशल मीडियावर अपघातांचे अनेक विचलित करणारे व्हिडिओ वारंवार समोर येत असतात. हे व्हिडिओ अनेकदा इतके भयानक आणि भीतीदायक असतात की, ते पाहिल्यानंतर वाहनचालक आणि प्रवाशांच्या मनातही सुरक्षित पोहोचण्याबद्दल शंका निर्माण होते. अनेकदा चालक किंवा प्रवाशांच्या निष्काळजीपणामुळे अपघातासारख्या दुर्दैवी घटना घडतात. सध्या सोशल मीडियावर एका अशाच अपघाताचा व्हिडिओ प्रसारित होत आहे, जो दर्शवतो की गाडीचा दरवाजा व्यवस्थित बंद न केल्यास प्रवाशांसोबत किती गंभीर आणि धोकादायक परिस्थिती ओढवू शकते.
वायरल झालेला व्हिडिओ पाहण्यासाठी
या घटनेमुळे गाडीत बसल्यावर दरवाजा व्यवस्थितपणे बंद करणे किती आवश्यक आहे आणि असे न केल्यास त्याचे किती गंभीर परिणाम भोगावे लागू शकतात हे स्पष्टपणे दिसून येते. व्हिडिओमध्ये एक कार उतारावरून वेगात जाताना दिसते. त्याच क्षणी, अचानक एक महिला गाडीतून खाली पडते. ज्या गाडीतून ती महिला पडते, ती काही अंतरावर गेल्यावर थांबते. तेव्हा लक्षात येते की गाडीचा दरवाजा उघडा राहिल्यामुळे ती धावत्या गाडीतून खाली कोसळली. महिलेच्या पडल्यानंतर, मागून येणाऱ्या गाडीतील एक व्यक्ती त्वरित तिच्या मदतीसाठी धावतो. त्यानंतर तो तिला उठवून त्यांच्या गाडीत बसण्यास मदत करतो. या संपूर्ण घटनेचे चित्रीकरण मागून येणाऱ्या एका कारमधील व्यक्तीने आपल्या कॅमेऱ्यात कैद केले आणि तो व्हिडिओ सोशल मीडियावर पोस्ट केला.
वायरल झालेला व्हिडिओ पाहण्यासाठी
“दैव बलवत्तर म्हणून बचाव”
या अपघाताच्या वेळी सुदैवाने मागून कोणतेही वेगळे वाहन वेगात आले नाही, अन्यथा मोठी दुर्घटना घडली असती. हा व्हिडिओ @nebresultandnews0 या अकाउंटवरून शेअर करण्यात आला आहे, ज्यावर अनेक लोक वेगवेगळ्या प्रतिक्रिया व्यक्त करत आहेत. एका युजरने याला ‘धक्कादायक’ म्हटले आहे आणि गाडीत बसल्यावर नेहमी दरवाजा बंद असल्याची खात्री करण्याची सूचना दिली आहे. तर काहींनी महिलेचे नशीब बलवत्तर म्हणून ती वाचली, असे मत व्यक्त केले आहे.
