Ladki Bhaeen Yojana 1500 deposited : ‘माझी लाडकी बहीण’ योजनेतील एप्रिल महिन्याची रक्कम अद्याप काही लाभार्थ्यांच्या खात्यात जमा न झाल्याने अनेकांच्या मनात शंका आणि प्रतीक्षा होती. अक्षय्य तृतीयेच्या मुहूर्तावर पैसे मिळतील अशी शक्यता वर्तवली जात होती, पण प्रत्यक्षात काही कारणांमुळे विलंब झाला.
लाडक्या बहिणींच्या खात्यात १५०० रुपये झाले जमा
आता या संदर्भात एक महत्त्वपूर्ण आणि अधिकृत माहिती समोर आली आहे. महिला व बालविकास मंत्री आदिती तटकरे यांनी याबाबत ट्विट करून स्पष्टीकरण दिले आहे. त्यांच्या माहितीनुसार, ‘माझी लाडकी बहीण’ योजनेअंतर्गत एप्रिल महिन्याचा १० वा हप्ता लवकरच २.४१ कोटी पात्र महिलांच्या खात्यात जमा होणार आहे.
विशेष बाब म्हणजे, ज्या महिलांना यापूर्वी आठवा आणि नववा हप्ता मिळालेला नाही, त्यांना एप्रिल महिन्याच्या हप्त्यासह एकूण ४५०० रुपये एकत्रितपणे दिले जाणार आहेत. या योजनेत बहुतेक महिलांना मार्च महिन्यापर्यंत ९ हप्त्यांचा लाभ मिळाला आहे. त्यामुळे उर्वरित महिलांनाही काळजी करण्याची गरज नाही.
लाडक्या बहिणींच्या खात्यात १५०० रुपये झाले जमा
मंत्री आदिती तटकरे यांनी आपल्या ट्विटमध्ये स्पष्टपणे सांगितले आहे की, मुख्यमंत्री ‘माझी लाडकी बहीण’ या महत्त्वाकांक्षी योजनेअंतर्गत एप्रिल महिन्याचा सन्मान निधी लाभार्थ्यांच्या आधार लिंक असलेल्या बँक खात्यांमध्ये जमा करण्याची प्रक्रिया आजपासून सुरू झाली आहे. पुढील २ ते ३ दिवसांत ही प्रक्रिया पूर्ण होईल आणि सर्व पात्र महिलांना निधी थेट त्यांच्या खात्यात प्राप्त होईल. या माध्यमातून महिलांच्या आर्थिक सक्षमीकरणासाठी सरकारचा निर्धार अधिक दृढ होत आहे.
त्यामुळे, ज्या महिलांना एप्रिल महिन्याच्या हप्त्याची प्रतीक्षा होती, त्यांच्यासाठी ही निश्चितच आनंदाची बातमी आहे. लवकरच त्यांच्या खात्यात योजनेची रक्कम जमा होईल.
