Viral video of beggar अनेकदा खूप मेहनत केली की तुम्ही श्रीमंत व्हाल, तुम्हाला आयुष्यात यश मिळेल असं सांगितलं जातं. पण या विचाराला छेद देणारे उदाहरण नुकतेच उजेडात आले आहे. राजस्थान येथील अजमेर शरीफ येथील एका भिकार्‍याचा व्हिडीओ सध्या सोशल मीडियावर व्हायरल होत आहे. या भिकाऱ्याने अनेकांना प्रचंड मेहनत करूनही शक्य होत नाही असं काम करून दाखवलं आहे. त्याने भीक मागून जमवलेल्या पैशांनी आयफोन १६ प्रो मॅक्स हा स्मार्टफोन विकत घेतला आहे. दरम्यान हा व्हिडीओ समोर आल्यानंतर समाज माध्यमांमध्ये वेगवेगळ्या प्रतिक्रिया दिल्या जात आहेत.
व्हायरल झालेला व्हिडिओ पाहण्यासाठी
शेख नावाच्या व्यक्तीचा व्हिडीओ सध्या सोशल मीडियावर तुफान व्हायरल होत आहे. तसेच हा व्हिडीओ पाहून लोकांच्या मनात अनेक प्रश्न उपस्थित होत आहेत. अनेक जण त्यांनी निवडलेल्या करियरवरही संभ्रम व्यक्त करत आहेत.
या व्हायरल होत असलेल्या व्हिडीओमध्ये पाहायला मिळत आहे की, अपंग असलेला शेख सांगतो आहे की, त्याने मोबाइल विकत घेण्यासाठी ॲपल स्टोअरमध्ये १.७० लाख रुपये रोख दिले. व्हिडीओमध्ये आयफोन विकत घेण्यासाठी पैसे कुठून आले? असा प्रश्न मुलाखत घेणारा व्यक्ती भिकार्‍याला विचारतो, यावर तो हसत हसत “भीक मागून” असं उत्तर देतो.
व्हायरल झालेला व्हिडिओ पाहण्यासाठी
- या व्हिडीवर लोक भरभरून कमेंट्स करत आहेत. अनेक जण शिक्षणासाठी मोटा पैसा खर्च करतात.
- चांगल्या पगाराची नोकरी मिळवण्यासाठी आवश्यक अशा सर्वच गोष्टींची काळजी घेतली जाते.
- पण शेख भीक मागून आयफोन विकत घेतला याबद्दल अनेकांनी आश्चर्य व्यक्त केले आहे.
- एका वापरकर्त्याने या व्हिडीओवर कमेंट करत लिहिले की, “सर्वोत्तम उद्योग आहे, कसलीही गुंतवणूक नाही, कोणाची नोकरी करण्याची आवश्यकता नाही, मेहनत नाही, ताण नाही, कोणावरही अवलंबून राहावं लागत नाही, मजाच मजा”.
